Ils participants dal marsch han tranter auter appellà a solidaritad cun tut ils umans en fugia e pretendì ch'ils exports d'armas svizzers vegnian franads.
51 milliuns en fugia
Sco quai ch'ils organisaturs scrivan sa chattian radund 51 milliuns persunas en fugia. Blers scappian da violenza e da guerras che vegnian instigadas d'interess da pussanza e da profit. Er la Svizra saja participada londervi cun serrar cunfins e cun far gudogn da milliardas entras exportar armas.
Il marsch da Pasca a Berna vegn sustegnì da numerusas organisaziun e baselgias.
RR novitads 18:00
