Siglir tar il cuntegn

Header

Apunta, in maletg simbolic da chasas da probablamain segundas abitaziuns.
Legenda: Il martgà d'immobiglias svizzer sa sfradenta puspè (maletg simbolic da Champfèr). Keystone
cuntegn

Svizra Martgà d'immobiglias svizzer sa sfradenta puspè

Tenor il rapport d'immobiglias da l'ETH Turitg e dal servetsch da cumparegliaziun comparis.ch na datti per nagina regiun il giudicament «critic» u «da survegliar».

En differents districts hai dà en il passà segns d'ina scufla d'immobiglias. Uss dentant para il martgà da sa avair calmà puspè di il rapport d’immobiglias.

Il rapport analisescha il risico per ina scufla immobigliara sin basa da quatter stgalims – numnadamain «critic», «da survegliar», «dad observar» e «differenza en il svilup dal pretsch». Auter ch’ils auters onns na vegn il rapport tar nagina da las regiuns svizras tar la conclusiun, ch’in svilup saja «critic» u «da survegliar».

13 èn dad observar - tar 3 midada da trend

Danovamain èn dentant 13 districts en la categoria «dad observar». Dapi quest onn èn Bülach, Thun, Luzern, Sursee ed Aarau era en quella categoria – ensemen cun Hinwil, Horgen, Pfäffikon, See-Gaster ed Uster, Hochdorf, Lenzburg e Monthey ch’èn restads là.

En ils districts Dielsdorf, March e Locarno percunter possian ins schizunt discurrer d'ina fin d'alarm respectiv d'ina midada dal svilup da pretschs.

1,6 milliuns inserats èn la basa

Basa da l’analisa dal rapport dad immobiglias èn las datas che resultan da quels passa 1,6 milliuns inserats da vendita per chasas ed abitaziuns ch’èn vegnids publitgads dapi il 2005 fin la fin da zercladur 2016 sin Comparis.

RR novitads 07:30

Dapli da Svizraavrir la Landingpage

Nach links scrollen Nach rechts scrollen