Cumpareglià cun l'onn passà èn dapli giuvens e giuvnas gia s'annunziads per ina plazza d'emprendissadi davent da la stad 2021. Quai mussa ina retschertga dal «LehrstellenPuls» da la ETH ensemen cun la plattafurma d'emprendissadis «Yousty».
Dapi l'avust han giuvens e giuvnas già tramess 78'380 annunzias online per il 2021 sur «Yousty». Quai è in augment da 13 pertschient cumpareglià cun la stad 2019.
La gronda part da quellas èn annunzias per ina scolaziun commerziala. Cun gronda distanza suondan annunzias sco informaticher, assistenta da farma, logisticher e spezialist da sanadad.
Sin la plattafurma «Yousty» sajan actualmain anc passa 20'500 plazzas d'emprendissadi scrittas or.
Ord l'archiv
video
Far emprendissadi durant corona
Or da Tagesschau dals 24.07.2020.
laschar ir. Durada: 2 minutas 4 Secundas.