La crisa da corona ha chaschunà il segund quartal da quest onn ina massiva reducziun d'inserats da plazzas: 27% pli paucs inserats che l'emprim quartal han las interpresas publitgà. Quai mussa ina retschertga da l'intermediatur da lavur Adecco e l'universitad da Turitg.
Pertutgadas èn tut las gruppas da professiun, dentant betg tuttas tuttina ferm. Damain pertutgadas èn professiuns tecnicas e da construcziun, hai num en il studi. In minus da 39% datti percunter tar professiuns da la gastronomia e dals servetschs persunals. Surstar fa dentant tenor Adecco e l'universitad da Turitg, ch'era professiuns da biro e da l'administraziun mussan in minus da 35% dals inserats da plazza – pia quellas professiuns, nua ch'i va bain da lavurar en il homeoffice.
Martgà da lavur Reducziun massiva dad inserats da plazzas
audio
3'620 persunas grischunas senza lavur
02:36 min, La cifra dals 11.06.2020.
laschar ir. Durada: 02:36 minutas.RTR novitads 08:00