Siglir tar il cuntegn

Header

cuntegn

Martgà da mobiglias XXXLutz surpiglia Lipo

Gronda surpigliada al martgà da mobiglias en Svizra: Il commerziant da mobiglias austriac XXXLutz surpiglia las 23 filialas da Lipo, ses shop online ed er il center da logistica e da service. Quai ha communitgà l’interpresa svizra. Dentant vegnia il num Lipo vinavant a restar en Svizra. Er tut ils 635 collavuraturs restian vinavant occupads. Las autoritads da cartel responsablas stoppian anc lubir la transacziun.

Expansiun en Svizra

Il nov proprietari da Lipo XXXLutz posseda actualmain 370 fatschentas da mobiglias en 13 pajais. Actualmain occupan els 26'000 collavuraturas e collavuraturs.

Ordavant ha il concern austriac gia cumprà Mobiglias Pfister e pliras filialas dad Interio. Lipo è – tenor atgnas indicaziuns – ina da las tschintg grondas marcas da mobiglias en Svizra.

Ord l'archiv

La fatschenta da mobiglias austriaca XXXLutz ha surpiglià il 2019 Möbel Pfister.

audio
La cifra – 23'800 collavuraturAs
ord Tips, trics e tacs dals 23.10.2019.
laschar ir. Durada: 2 minutas 35 Secundas.

RTr novitads 16:00

Artitgels legids il pli savens

Scrollar a sanestra Scrollar a dretga