«Nus avain savì che las elecziuns 2015 saja in test da direzza. Il grond success dal 2011 è stà in regal,» uschia il president da partida dals Verd-liberals, Martin Bäumle. Els sajan stads ina nova partida ed ils temas principals eran l’ambient e l’energia atomara suenter Fukushima, ha il Cusseglier naziunal da Turitg ditg als radund 100 delegads da partida.
Bäumle vul restar president da partida
Tar las elecziuns naziunalas da l’october passà, hajan quels temas dentant gì nagin impurtanza, ha Bäumle confessà. Era las colliaziuns da glista n’hajan betg funcziunà optimal. Il resultat: la partida ha pers 5 da ses 12 sezs en il Cussegl naziunal e ses omadus sezs en il Cussegl dals chantuns.
Malgrà quests resultats negativs da la partida, vul Martin Bäumle restar vinavant president da partida: «Jau rest president da partida. Da sa retrair n’è betg tractanda oz.»
RR novitads 17:00