cuntegn
Svizra
-
Martin Bäumle sto sa responsar avant dretgira
Il president dals verdliberals e cusseglier naziunal Martin Bäumle sto ir avant dretgira pervi da violaziun dal secret d'uffizi. La procura publica da Turitg rinfatscha a Bäumle d'avair dà vinavant il 2011 extracts dal register da scussiun ad in schurnalist.
Ils extracts pertutgavan ina firma da construcziun che leva construir in sgrattatschiel dispitaivel. Tenor quels aveva la firma avert scussiuns en l'autezza da milliuns.
Quai era vegnì public paucs dis avant ina votaziun dal pievel nua ch'il project per il sgrattatschiel è vegnì refusà.
RR novitads 14:00
