Siglir tar il cuntegn

Header

cuntegn

Svizra Martin Landolt sa retira il 2020 sco president da la PBD

Il cusseglier naziunal da la Glaruna argumentescha ses pass cun la midada da generaziun che la partida dovria.

La Partida burgais-democratica dovria novas fatschas, ha ditg Martin Landolt en in'intervista cun il «SonntagsBlick». El vul ch'i dettia sin las glistas da partida dapli dunnas e glieud giuvna.

Ils proxims onns iniziain nus ina midada da generaziun.
Autur: Martin Landolt President da la PBD

El sez saja part da questa midada da generaziun, ha ditg Landolt. Il cumenzament dal 2020 vul el dar giu il presidi. En il parlament vul el dentant restar era suenter il 2019 sco cusseglier naziunal.

La PBD perda il mument votants

Landolt che ha 50 onns è dapi il 2009 cusseglier naziunal e dapi il matg 2012 è el president da la PBD. Cura ch'el è vegnì elegì il 2012 aveva el mess la finamira da cuntanscher fin il 2019 ils 10% en il parlament. Vid questa finamira crai el anc adina. El ha dentant admess che la partida stoppia uss puspè daventar pli relevanta.

La PBD datti dapi radund 10 onns, ella perda dentant votants. Er las elecziuns en Glaruna ed en Grischun n'han midà nagut vid quai. A Berna saja la partida mitschada cun in egl blau. Il 2015 ha la partida cuntanschì 4,1% tar las elecziuns federalas.

RR novitads 14:00

Artitgels legids il pli savens