Fin ch'il turissem en Svizra sa revegn dal tuttafatg da la pandemia da corona, cuzzia quai decennis, ha ditg Martin Nydegger, il directur da Svizra Turissem, en la «SonntagsZeitung». Turistas e turists da l’Europa vegnan puspè en Svizra e spendran uschia en bleras destinaziuns la stagiun da stad. I manchian vinavant ils giasts ord l'Asia. La branscha na sa revegnia betg sco sperà, damai che bleras Svizras e Svizzers fetschian da l’autra vart puspè vacanzas sper la ma, uschia Nydegger.
Tenor «Svizra Turissem» passentan quest onn radund 10% damain giasts svizzers lur vacanzas en la patria ch’anc l’onn passà. Dentant sajan las differenzas regiunalas grondas: Uschia fetschian dapli persunas vacanzas en il Grischun questa stad, durant che damain giajan en il Vallais u la Part Sura Bernaisa.
Per tadlar curt e concis: