Siglir tar il cuntegn

Header

Martin Schmid en il cussegl dals chantuns.
Legenda: Il cusseglier dals chantuns Martin Schmid (PLD) - el duai vegnir elegì als 15 d'avrigl en il cussegl administrativ da la Siegfried. Keystone
cuntegn

Svizra Martin Schmid - cusseglier administrativ da la Siegfried Holding

Ensemen cun il cusseglier dals chantuns propona il cussagl adminitsrativ dad eleger era la vicepresidenta dal Bundestag tudestg, Ulla Schmidt, en ses gremi. La Siegfried è in concern da farma internaziunal cun sedia a Zofingen (AG).

Il cussegl administrativ da la Siegfried Holding SA sa cumpona da 7 persunas.

Ils ulteriurs quatter commembers dal cussegl d'administraziun ed il president dal gremi, Andreas Casutt, stettian a disposiziun per ina reelecziun, scriva la Siegfried en sia communicaziun.

Ulla Schmidt ad ina comferenza da pressa.
Legenda: Ulla Schmidt, la vicepresidenta dal Bundestag tudestg - ella è nominada ensembel cun Martin Schmid. (fotografada ad ina conferenza da pressa 2009) Keystone

“Dus persunalitads cun lunga experientscha” scriva la Siegfried

La tudestga Ulla Schmidt, ch’è proponida cun Martin Schmid a l’elecziun, è dapi il 2013 vicepresidenta dal Bundestag tudestg ed anteriura ministra da sanadad (2001-2009) tudestga.

Ch’el saja intgantà, da pudair proponer a la radunanza generala da la Siegfried duos persunalitads cun experientscha, vegn cità Andreas Casutt en la communicaziun da medias.

La Gruppa Siegfried

  • furnescha substanzas per e fa er sez medicaments
  • occupa 2’400 collavuraturs en Svizra, Germania, China, Malta, Frantscha ed en ils Stadis Unids
  • è cotada a la bursa
  • ha fatg il 2014 ina svieuta da 315 milliuns francs
  • elegia als 15 d'avrigl a Zofingen

Cun lavurar dapi onns en gremis politics e professiunals, che hajan grond’influenza sin il martgà da farma, “vegnian els a pudair sustegnair la Siegfried exactamain là, nua che nossas ovras pli impurtantas èn e nua che nus avain ils pli blers collavuraturs”.

La radunanza generala è als 15 d’avrigl a Zofingen. Ils resultads da l’onn da gestiun 2015 vegnan publitgads als 22 da mars.

RR novitads 11:00

Artitgels legids il pli savens

Scrollar a sanestra Scrollar a dretga