Siglir tar il cuntegn

Header

cuntegn

Martin von Muralt Nov coordinatur da segirezza tranter Berna ed ils chantuns

Sch’i va per coordinar il cumbat cunter il terrorissem, u per la protecziun da minoritads vegn il coordinatur da segirezza en acziun. Il Cussegl federal ha elegì Martin von Muralt sco nov delegà da la Rait naziunala da segirezza. El succeda ad André Duvillard che va en pensiun.

La ministra da defensiun Viola Amherd ha accentuà la lunga experientscha da von Muralt, quai che pertutga la collavuraziun en dumondas da la politica da segirezza. Sfidas impurtantas ch’al spetgian sajan – da reorganisar il servetsch da sanitad coordinà ed il grond exercizi da segirezza planisà per l’onn 2025.

Martin von Muralt ha ditg a chaschun da sia preschentaziun ch’el na vegnia betg a far revoluziun, mabain procurar per in’evoluziun. L’um da 47 onns sa lavura en davent dal zercladur, e cumenza lura il 1. d’avust ses nov post.

Banca naziunala svizra cun nov vicepresident

Martin Schlegel daventa commember da la direcziun e nov vicepresident da la Banca naziunala svizra. Il Cussegl federal ha designà el sin dumonda dal Cussegl da banca da la SNB. Martin Schlegel lavura dapi 20 onns en differentas posiziuns da direcziun tar la SNB. El remplazza Fritz Zurbrügg, che va la fin da fanadur en pensiun.

RTR novitads 15:00

Artitgels legids il pli savens