Siglir tar il cuntegn

Header

cuntegn

Mascras en il liber Cussegl federal propona a chantuns mesiras pli strentgas

Bainbaud ston Svizras e Svizzers forsa er purtar mascras en il liber. Quai è ina da pliras mesiras pli rigurusas ch'il Cussegl federal propona als chantuns en in sboz da consultaziun.

Davart quest sboz da consultaziun ha rapportà oz il portal online «Blick.ch». En quel propona il Cussegl federal als chantuns mesiras pli severas per franar il coronavirus. Tenor il document, ch’è er avant maun a l’agentura da novitads Keystone-SDA – duaja l’obligatori da mascras vegnir extendì massivamain.

Purtar mascra en il liber ed en biros

Tenor il sboz duaja l’obligatori da mascra er valair en territoris d’abitadi en il liber. En pli duaja l’obligatori valair en ed avant indrizs e manaschis. A plazs da lavur endadens duaja valair in obligatori da mascras, sch’i n’è betg pussaivel da lavurar en in biro singul u per motivs da segirezza. Ed ils patruns duajan pussibilitar ch’ils emploiads possian far home-office nua pussaivel.

RTR novitads 11:00

Artitgels legids il pli savens

Scrollar a sanestra Scrollar a dretga