Siglir tar il cuntegn

Header

cuntegn

Mastergn da siemi Daventar pur è popular

Il mastergn da pur è en Svizra anc adina fitg populars. Tenor il «SonntagsBlick» mussan las pli novas cifras da l'uniun purila, che 3'758 persunas han cumenzà en il decurs da quest onn l'emprendissadi sco pur u pura. Avant diesch onns eran quai be 3'100 persunas.

Damain bains purils

Per ch'ils emprendists e las emprendistas èn preparads bain, vegnan las structuras adina puspè revedidas totalmain. La revisiun duai ir en vigur il 2023. Bio Suisse pretenda, ch'i duai en futur dar in'atgna partiziun da bio. L'uniun purila beneventa questa midada.

Il dumber dals bain purils sa reducescha onn per onn. La Svizra dumbrava avant bun diesch onns anc var 70'600 bains purils, l'onn 2020 eran quai be anc 49'400. Quels che na pon betg surpigliar il bain puril dals geniturs, han suenter lur scolaziun savens difficultads da chattar in manaschi.

Cuntrasts mussa in giuven che ha realisà in siemi da vita

Janic Andrin Spinnler vul manar ses agen bain puril. Ma il giuven Jauer na vegn betg d’ina dinastia da purs ed el ha pir gist finì ses emprendissadi sco pur. Ma el na sa lascha dentant betg franar.

video
In siemi mez nar – «Bain Bun»
Or da Cuntrasts dals 31.10.2021.
abspielen. Laufzeit 26 minutas 2 Sekunden.

RTR novitads 16:00

Artitgels legids il pli savens

Scrollar a sanestra Scrollar a dretga