Siglir tar il cuntegn

Svizra Mat svizzer sparì salvà a Düsseldorf

La notg passada ha la polizia tudestga salvà il mat da 12 onns che vegniva tschertgà dapi 8 dis.

Il procuratur public ed il schef da la polizia davant ils microfons.
Legenda: Las autoritads han infurmà a Solothurn dal cas dal mat sparì. Ronny Rickli, il procuratur public (a san.) ed Urs Bartenschlager ( a dret.). schef da la polizia chantunala Solothurn. Keystone

La dumengia suentermezdi las 14:00 han infurmà las autoritads dal cas dal mat sparì. Tenor il schef da la polizia chantunala, Urs Bartenschlager, aveva il mat dapi almain in mais contact cun il nun-enconuschent via la rait, nua ch’els giugavan in gieu dad uffants. La polizia haja gì indecis ch’il mat haja planisà dapi emnas da disparir.

Ina vista da la citad or da l'aviun.
Legenda: Il mat sparì e vegnì salvà da la polizia a Düsseldorf (D). Keystone

In act da violenza sexuala envers il mat n’excluda la polizia betg. Quai vegnia examinà actualmain, ha ella communitgà. Il mat è vegnì chattà senza blessuras corporalas. La polizia aveva tema per la vita dal mat. Per sia deliberaziun ha ella survegnì sustegn da partenaris naziunals ed internaziunals.

Malgrà las malsegirezzas tar il cas mussia el dentant exemplaricamain il privel da la rait, ha Bartenschlager admonì. Era tar gieus dad uffants nunprivlus na sajan betg mo giugaders nunprivlus da la partida.

Il giuven Paul era sparì ils 18 da zercladur da Gunzgen.

RR novitads 15:00