Siglir tar il cuntegn

Header

Muniziun da pistolas en ina fabrica.
Legenda: La Svizra ha exportà ils emprims sis mais da quest onn muniziun en la valita da 75,5 milliuns francs. Keystone
cuntegn

Material da guerra Exports èn danovamain creschids

Las interpresas svizras han exportà dapli material da guerra ils emprims sis mais da quest onn.

  • Durant l'emprima mesadad da quest onn han interpresas svizras exportà material da guerra en valur da radund 273 milliuns francs.
  • Ils exports èn creschids en cumparaziun cun la medema perioda da l'onn passà per 68 milliuns francs.

Per radund 116,8 milliuns francs han interpresas svizras exportà durant l'emprima mesadad dal 2019 panzers u auters vehichels. Quels exports fan or la gronda cumpart da la vendita, sco las novas cifras dal Secretariat statal per economia (SECO) mussan. Sin plazza dus suonda muniziun per armas da tut ils calibers en la valita da 75,7 milliuns francs.

Sin la glista actuala dals pajais d'export figureschan 57 stadis. La gruppa per ina Svizra senza armada (GSoA) è sa mussada preoccupada da l'augment. Intgins exports, sco en il Pakistan, ch'è saja anc adina en in conflict violent cun l'India, ni en ils Emirats Unids Arabs ed el Katar che sajan involvids en la guerra en il Jemen, sajan ordvart problematics.

Sco quai ch'il SECO ha confermà a RTR sajan tut ils exports da material da guerra en il Pakistan scumandads. In'excepziun saja dentant pussaivla tar armas che vegnan duvradas a moda defensiva. El cas dal Pakistan haja la Svizra exportà muniziun ed tocca da reserva per sistems per la defensiun cunter aviuns. Perquai hajan els lubi quests exports.

RR novitads 15:00

Artitgels legì il pli savens

Nach links scrollen Nach rechts scrollen