Siglir tar il cuntegn

Header

cuntegn

Svizra Material da l'armada per 542 milliuns francs

Il Cussegl naziunal ha acceptà cleramain il program d’armament 2015, quai cun 130 cunter 55 vuschs. Quel preveda da remplazzar different material militar, tranter auter 6 novas dronas per 250 milliuns francs.

audio
Mezdi: il program d'armament 2015
ord Actualitad dals 16.06.2015.
laschar ir. Durada: 3 minutas 15 Secundas.

Ulteriuras cumpras èn simulaturs da sajettar per la buis militara per 21 milliuns francs e 879 autos militars per 271 milliuns francs.

Surtut la cumpra da las dronas ha procurà per critica, damai ch’ina firma da l’Israel furnescha questas 6 dronas. La majoritad dal Cussegl naziunal è dentant stada da l’avis ch’i sa tractia d’ina firma israeliana e betg dal stadi israelian.

Tut las propostas da la sanestra da gnanc entrar en debatta u da scursanir ils daners per il material militar n’han gì naginas schanzas. Sco proxim tracta il Cussegl dals chantuns il program d’armament 2015.

Ulteriurs daners ord il NA al Gripen

Il program d’armament 2015 n’è probabel betg l’ultim per quest onn: Ils daners che l’armada svizra n’ha betg duvrà per cumprar ils aviuns da cumbat Gripen vul il Cussegl federal medemamain investir en material militar. Atgnamain aveva il Cussegl naziunal pretendì ina proposta gia sin questa sessiun, quai n’ha dentant betg tanschì. Probabel preschenta Ueli Maurer ses plans co e nua investir quels daners (total 1.1 milliardas francs) vers la fin da l’onn.

RR novitads 14:00

Artitgels legids il pli savens