Siglir tar il cuntegn

Header

uffants a spass e mamma dal di che tauscha la carrotscha
Legenda: Uffants van a spass cun lur mamma dal di. Keystone
cuntegn

Svizra Maun public e patruns duain s'engaschar per la tgira d'uffants

La Confederaziun vul procurar che chantuns, vischnancas e forsa era patruns fan dapli per la tgira d'uffants cumplementara a la famiglia.

Il Cussegl federal vul metter a disposiziun 100 milliuns francs sur 8 onns, ed ha incumbensà il departament da l'intern da preparar ina lescha correspundenta.

Uschia vul il Cussegl federal procurar ch'i renda pli fitg a geniturs dad ir a lavurar. Quai en il rom da sias cumpetenzas limitadas da far politica da famiglia, scriva il Cussegl federal.

Critica da dretg e sanester

La Partida populara svizra PPS renfatscha al Cussegl federal d'ignorar la voluntad dal pievel, perquai che lez haja il 2013 refusà l'artitgel da famiglias. Per la Partida socialdemocratica PS èn las propostas però memia pulitas. Ella annunzia da batter en il parlament e tenor basegn era cun in'iniziativa per dapli sustegn. Betg suffizientas èn las propostas era per la Partida cristiandemocratica PCD - entant che la PBD sa mussa cuntenta.

RR novitads 12:00

Artitgels legids il pli savens

Scrollar a sanestra Scrollar a dretga