Svizra - Maun public pretenda pajas egualas per um e dunna
Interpresas che vulan far ina lavur per il maun public duajan en futur laschar confermar d’in post independent che las pajas da las dunnas èn tuttin’autas sco quellas dals umens.
Il Cussegl naziunal ha approvà ina moziun ch'il maun public duai pretender l'egualitad da paja da firmas che survegnan incumbensas.
Gia oz prevesa la surdada d’ina incumbensa da la Confederaziun dad interpresa pajas egualas tranter um e dunna, enfin uss manca entant ina basa legala per pretender in tal mussament da l’egualitad da paja.
