Siglir tar il cuntegn

Header

Ueli Maurer.
Legenda: Ueli Maurer avertescha d'in pli grond privel da terror en Svizra. Keystone
cuntegn

Svizra Maurer: «Er en Svizra è il privel da terror creschì»

Er en Svizra è il privel da terror anc ina giada creschì ils ultims mais, manegia il minister da defensiun Ueli Maurer suenter las attatgas a Paris. Auter ch'anc avant onns, vegnia la Svizra oz er numnada «sco finamira» en forums d'internet, ha ditg Maurer envers la «NZZ am Sonntag».

Las attatgas a Paris mussian ch'il servetsch secret svizzer dovria dapli meds en il cumbat cunter smanatschas terroristicas. Cun novas pussaivladads, sco la surveglianza intenziunada da computers, creschian las schanzas ch'ins possia evitar talas attatgas, uschia il politicher da la PPS.

Germania rinforza il cumbat cunter il terror

La regenza tudestga augmenta tenor in rapport da gasetta il persunal dal servetsch secret per tschients da plazzas. Ils agents duain surtut vegnir incaricads en il cumbat cunter il terror e l'extremissem da la dretga. Quai haja decis la cumissiun dal Bundestag per il servetsch secret rapporta la «Bild am Sonntag».

Quai saja absolutamain necessari en vista al privel da terror entras islamists e radicals da la dretga, citescha la gasetta in represchentant da la coaliziun gronda.

RR novitads 06:00

Dapli da Svizraavrir la Landingpage

Nach links scrollen Nach rechts scrollen