Suenter ch’ils Stadis Unids han mazzà il general iranais Kassem Soleimani, creschan ils dubis vid l’argumentaziun dal president Donald Trump per l’acziun dispitaivla. La Chas’alva aveva giustifitgà il mazzament cun plans dal general iranais per attatgas sin ambassadas americanas.
Il minister da defensiun american, Mark Esper, ha relativà las pretensiuns da Trump ch’igl haja dà plans concrets per attatgas sin quatter ambassadas americanas. Almain areguard las quatter ambassadas dal president n’haja el chattà nagins indizis – ha ditg Esper en la televisiun. Dentant ha Esper suttastritgà ch'il president n'haja betg fatg indizis concrets, mabain discurrì da la pussaivladad d'ina attatga sin ambassadas americanas.
Cunzunt ils democrats en il congress dubitan la versiun da Trump. La pledadra da la chombra dals represchentants, Nancy Pelosi, ha ditg en la televisiun ch'ella haja dubis che la regenza saja stada sincera envers il Congress. Plinavant crititgeschan ils democrats ch’il president n’haja betg consultà il congress ordavant.
Ord l'archiv:
RTR novitads 06:00