Siglir tar il cuntegn

Header

cuntegn

Medias Ladina Heimgartner daventa scheffa da la gruppa Blick

L'anteriura directura da RTR, ch'è dapi l'onn passà commembra da la direcziun da Ringier, surpiglia la testa da la gruppa Blick a partir da l'october.

Ladina Heimgartner surpiglia sper il mandat sco CEO da la gruppa Blick er la posiziun sco Head Global Media da la Ringier SA, communitgescha il concern da medias. Cunquai surpiglia Heimgartner la responsabladad per radund 120 marcas da medias en 12 pajais.

L'Engiadinaisa da 40 onns surpiglia cunquai las funcziuns da Thomas Spiegel, che bandunia l'interpresa pervia da differenzas davart il curs strategic, hai num en la communicaziun.

Il Corporate Center vegn da nov manà direct da Marc Walder, il CEO da Ringier. Fin ussa vegniva quel timunà da Heimgartner.

Per tadlar curt e concis:

audio
Ladina Heimgartner - nova scheffa da la gruppa Blick
ord Actualitad dals 18.09.2020. Maletg: RTR
laschar ir. Durada: 53 Secundas.

RTR novitads 10:00

Artitgels legids il pli savens