Mehdi Atmani vegn onurà cun il premi per sias retschertgas davart l'entretschament da la Svizra en la spiunascha mundiala. Gia il november ha l'um da 36 onns publitgà ina documentaziun sin la pagina d'internet da Radio e Televisiun Svizra franzosa RTS. Sia documentaziun haja prendì ordavant ils resultats da las retschertgas Cryptoleaks nua ch'i va per la firma svizra Crypto da Zug che ha producì apparats da codar manipulads.
Il premi è dotà cun 25'000 francs. Per pudair publitgar las retschertgas ha Mehdi Atmani ensemen cun Alexandre Bugnon realisà ins seria da tschintg videos. Els dus han lura era gudagnà il premi en la categoria Swiss Press Video.