Siglir tar il cuntegn

Header

Screenshot da rtr.ch.
Legenda: En futur dastgan ils artichels online da la SSR en rumantsch avair pli che 1'000 segns, er sche quels n'han nagin connex cun ina emissiun da radio u televisiun. RTR
cuntegn

Medias rumantschas Nagina limitaziun da segns pli per artitgels online

Texts rumantschs che vegnan mess sin paginas d'internet da la SRG/SSR dastgan esser a partir dal prim da mars uschè lungs sco quai ch'i fa da basegn – er sch'els n'han nagin connex direct cun in'emissiun. La cooperaziun tranter las medias privatas dal Grischun e RTR vegn uschia simplifitgada.

Enfin uss dastgava RTR publitgar artichels online senza in connex cun ina emissiun da radio u televisiun, be sche quels avevan pli pauc che 1000 segns. A partir dal mars da quest onn scroda uss quella regla. Quai ha decis il Cussegl federal la mesemna. La nova regla che vala be per la purschida online da la SSR en rumantsch duai rinforzar las medias rumantschas a lunga vista.

Per garantir il schurnalissem rumantsch han las medias privatas grischunas e la SSR elavurà cuminaivlamain il project «Medias Rumantschas». En il rom d’ina collavuraziun vegnan barattads gratuitamain cuntegns. Tranter auter vegn la Radiotelevisiun Svizra Rumantscha (RTR) a metter a disposiziun a las medias stampadas grischunas novitads online actualas en rumantsch grischun. Viceversa surpiglia RTR er texts da las medias privatas. Per quests motivs èsi necessari d’annullar la limitaziun dal dumber da segns.

Regla da 1'000 segns

Textbox aufklappenTextbox zuklappen

En la sparta online da la SRG dastgan texts or da las spartas novitads, sport, regiunal e local, che n'han nagin connex cun emissiuns, dapi il 2013 sulettamain avair 1'000 segns. Questa limita ha decis il Cussegl federal suenter onns da dispita tranter ils editurs e la SRG. Ils editurs sa dostan cunter ina concurrenza, finanziada cun taxas, en la sparta online.

RTR novitads 11:00

Artitgels legids il pli savens

Scrollar a sanestra Scrollar a dretga