L'onn 2019 aveva dà tschintg cas. L'onn passà gia diesch giadas dapli. E durant l'onn current, hai dà da schaner fin avrigl 237 cas che cusseglieras u cussegliers federals u auters parlamentaris han annunzià. Florian Näf, pledader da la Polizia federala, accentuescha dentant ch'ins stoppia mirar critic sin questas cifras, perquai che blers politichers e politicras sajan probablamain pir sa sensibilisads ils davos onns per la problematica ed hajan uss entschet a rapportar smanatschas. Il tun saja vegnì pli aggressiv e la pussaivladad da parter ils posts cutizzia persunas da copiar il cumportament.
Er sch'i vegn pretendì pli e pli savens da regular las medias socialas, vul il Cussegl federal anc spetgar sin il rapport davart medias socialas che vegn la fin da quest onn.
