Aifer ils ultims 10 onns èn las expensas da medias creschidas per bun 1 milliarda francs. En cumparaziun cun l’onn 2005 muntia quai in augment da 10,8%, ha ditg Thérès Ruedin da l’Associaziun svizra da medias.
Svizzers pajan bler per la diversitad mediala
Tranter las expensas tutgan er quellas per gasettas e revistas, purschidas digitalas, cudeschs, kino, radio, televisiun, apparats electronics sco er la telecommunicaziun. Bunamain la mesadad da las expensas tutgan a cuntegns redacziunals. Radund in terz dals daners èsi vegnì investì en l’utilisaziun da medias, in tschintgavel en custs d’access.
Tenor Ruedin saja la prontadad en Svizra da dar ora daners per medias gronda. Bun trais quarts da las entradas per questas medias vegnian dals utilisaders da las medias. Il rest vegnia finanzià tras reclama.
RR novitads 18:00