Medicaments èn memia chars en Svizra

Tenor il survegliader da pretschs, Stefan Meierhans custan medicaments originals senza patent en blers pajais da l'Europa mo la mesadad. Generica è schizunt 60% pli bunmartgà.

Purtret da stgatlas da medicametns sin in mantun. Bild in Lightbox öffnen.

Legenda da maletgs: Ils medicaments ed ils genericums èn bler memia chars en Sviura. Keystone

Per cumbatter questa differenza propona il survegliader da pretschs, Stefan Meierhans tranter auter da midar il sistem d'indemnisaziun. Da nov duain las cassas mo pli pajar in import fix per substanza activa e quai sin basa d'in genericum bunmartgà.

Per las firmas da farma pudessi render da reducir lur pretschs per uschia daventar pli attractivs per ils pazients. Meierhans pretenda plinavant ch'ils pretschs sajan da controllar mintga onn e betg sco enfin uss mo mintga trais onn.

Nagin nov model avant il 2019

I n'è betg nov ch'i vegn controllà ils pretschs dals medicaments. Gia dapi intgins onns pretendan ils survegliaders mesiras per regular ils cust che creschan. Ils survegliaders deploreschian ch'il Cussegl federal na fetschia betg vinavant. Gia la stad 2014 haja quel annunzià il sistem cun in import fix. Els na veglian dentant betg introducir quest model avant il 2019.

RR novitads 12:00