Siglir tar il cuntegn

Header

cuntegn

Medicaments en Svizra Generica è dubel uschè chara sco en l'exteriur

Medicaments en Svizra èn savens bler pli chars ch’en l’exteriur. Per medicaments generics ston Svizras e Svizzers schizunt pajar il dubel. Quai mussa ina cumparegliaziun da Santésuisse ed Interpharma.

Oravant tut medicaments per il sectur ambulant

Entras il ferm franc svizzer èn ils pretschs per medicaments en Svizra anc ina giada creschids cumpareglià cun l'exteriur. Ils 250 medicaments cun la pli gronda svieuta en Svizra custan en media 8,8% dapli ch’en l'exteriur. Igl è la gronda cumpart dals medicaments che vegnan duvrads en il sectur ambulant. Generica custa en cumparegliaziun europeica schizunt 48,4% dapli en Svizra – uschia che la differenza cun l'onn passà è anc ina giada creschida per 5%.

Effects sin las premias da la cassa da malsauns

Ils pretschs da medicaments effectueschan directamain las premias da la cassa da malsauns. Quai ha ditg il vice-directur da Santésuisse Christoph Kilchenmann. Tar ils medicaments patentads èsi radund 300 milliuns francs dapli cumpareglià cun l'exteriur – tar la generica e biosimilars 350 milliuns francs dapli. Kilchenmann dat la culpa per quai al parlament. Quel haja manchentà da midar insatge vi da questa situaziun.

audio
Per tadlar curt e cumpact
aus RTR Audio vom 31.05.2022.
abspielen. Laufzeit 49 Sekunden.

RTR novitads 12:00

Artitgels legids il pli savens

Scrollar a sanestra Scrollar a dretga