L’onn passà han Swissmedic e l'autoritad da duana confiscà 9’421 imports da medicaments illegals. Quai èn 40% dapli che anc il 2020, sco la statistica da Swissmedic mussa. Anc adina vegnan confiscads il pli bler meds da potenza. En cifras èn quai trais quarts da tut ils medicaments confiscads. Quels vegnan ussa da nov savens da la Pologna.
Era en connex cun Covid-19 han las autoritads confiscà 150 spediziuns. Swissmedic admonescha: En ils medicaments na saja savens betg quai che saja scrit sin la stgatla. Tenor la statistica è quai il cas tar mintga segund preparat.
audio
Per tadlar: Las novitads da las 12:00
ord RTR Audio dals 21.02.2022.
laschar ir. Durada: 4 minutas 20 Secundas.
