Ils medis da chasa e d'uffants taxeschan il sistem da sanadad svizzer sco fitg bun. Per 92,7% dals medis è il sistem bun u fitg bun, quai mussa in studi internaziunal da la fundaziun Commonwealth Fund. Positiv sajan cunzunt la collavuraziun ed il barat cun ils medis spezials sco era l'access a las prestaziuns medicinalas.
Lavur fitg pretensiusa
En Svizra han 69% dals medis dumandads inditgà ch'els en fitg cuntents cun lur lavur. En cumparegliaziun internaziunala è la Svizra sin plaz 1. Quai che 37% han dentant detg è ch'els hajan bler u fitg bler stress. Sco grond problem vesan 60,7% il temp ch'els ston impunder per la lavur administrativa cun assicuranzas per ils rendaquints. En Svezia han schizunt 80,4% inditgà quai sco pli grond problem.
RTR novitads 16:00