Siglir tar il cuntegn

Header

Ina media vid la lavur
Legenda: Keystone
cuntegn

Medischina Senza medias e medis da l’exteriur na vai betg

La Svizra daventa adina pli dependenta da medias e medis da l'exteriur. Passa la mesadad da quels derivan da la Germania

Tenor ina statistica da la federaziun professiunala FMH han gia passa 38% dals medis e da las medias che lavuran en Svizra, fatg lur scolaziun en in auter pajais. E questa dependenza vegnia plitost anc a crescher ils proxims onns. Schebain la Svizra haja en l'avegnir avunda medias e medis dependia cunzunt da las proximas decisiuns politicas – per exempel la nova tariffa Tardoc, scriva la FMH.

Prest dapli medias che medis

Anc in’autra tendenza ha la FMH constatà: Gia prest vegnan las medias ad esser en la maioritad. L’entschatta da quest tschientaner muntava la cumpart da las medias en Svizra anc a 29%. Oz è ella gia creschida sin 45%. Ed actualmain studegian dapli dunnas ch’umens medischina – numnadamain dus terzs.

audio
Per tadlar: Las novitads da las 14:00
ord RTR Audio dals 23.03.2022.
laschar ir. Durada: 2 minutas 56 Secundas.

RTR novitads 12.00

Artitgels legids il pli savens

Scrollar a sanestra Scrollar a dretga