Siglir tar il cuntegn

Header

cuntegn

Svizra Meglierament considerabel sin martgà da lavur

La situaziun sin il martgà da lavur en Svizra è sa meglierada considerablamain dapi l'entschatta da l'onn. En l'industria è la situaziun da l'occupaziun uschè buna sco dapi il 2008 betg pli. Quai mussan las cifras da l'Uffizi federal per statistica.

Il barometer da l'occupaziun da lavur è creschì en l'emprim quartal per 1,6% sin 4,961 milliuns occupads ed occupadas cumpareglià cun il quartal precedent. Durant il medem quartal avant in onn è il dumber d'occupads creschì per 0,6%.

Dapli posts vacants

En l'economia ha l'Uffizi federal per statistica pudì dumbrar 11'000 dapli plazzas libras che durant il medem quartal avant in onn. Quai correspunda ad in augment da 17,9%. Tant en il sectur da l'industria sco er il sectur da servetsch è quest dumber creschì per 36% respectivamain 13%. Er il futur duaja il svilup positiv cuntinuar, uschia las calculaziuns.

RR novitads 12:00

Artitgels legids il pli savens