Siglir tar il cuntegn

Header

Navigaziun

Ina persuna creschida tegn in uffant.
Legenda: Adattaziuns tar ils supplements da famiglia duain gidar mammas ch'educheschan sulettas e ch'èn senza lavur. Keystone
cuntegn

Svizra Meglierar ils supplements da famiglia

Da nov duain mammas ch’educheschan sulettas e ch’èn senza lavur – avair dasper l’indemnisaziun da maternitad era il dretg sin supplements da famiglia. Quai ha il Cussegl naziunal decis unanim.

Il Cussegl naziunal è suandà a sia cumissiun sociala ed al Cussegl federal, ed ha approvà la lescha revedida davart ils supplements da famiglia cun 179 vuschs e nagina cuntravusch.

Dapli supplements per scolaziun

Ina segunda midada pertutga ils supplements per scolaziun ch’èn medemamain reglads en la lescha davart ils supplements da famiglia. Il Cussegl naziunal vul ch’ils supplements per scolaziun vegnan pajads en il futur gia davent da 15 onns, ozendi vala anc la limita da 16 onns.

Refusà ha il Cussegl naziunal duas ulteriuras propostas. D’ina vart da fixar la limita gia tar 14 onns – e da l’autra vart da pajar ils supplements per scolaziun fin 29 onns, enstagl da la limita actuala da 25 onns.

Sco proxima sa fatschenta il Cussegl dals chantuns cun la revisiun davart ils supplements da famiglia.

RR novitads 12:00