Per pudair prender davent ad insatgi il permiss dad ir cun auto dovri novas reglas. Il Cussegl federal sto preschentar al parlament midadas en la lescha davart il traffic sin via. Il Cussegl naziunal ha surdà a quel ina moziun dal cusseglier dals chantuns Andrea Caroni.
La segirtad dal traffic cumonda da prender davent il bigliet a persunas nunadattadas da charrar. Quai saja dentant in'intervenziun gravanta che possia per blers er muntar in scumond d'exercitar ina professiun. Perquai saja ina procedura legala incontestabla tant pli impurtanta.
Caroni vul obligar la polizia d'annunziar a l'autoritad da privaziun aifer trais dis, sch'ella ha retratg in permiss dad ir cun auto. Plinavant duai mo esser pussaivel da prender davent il permiss per 10 dis. Il pertutgà duai avair la pussaivladad da cumprovar che la raschun per prender davent il permiss è crudà davent. Il Cussegl federal ha sustegnì questa dumonda.
RR novitads 11:00
