Siglir tar il cuntegn

Header

cuntegn

Svizra Memia blers pestizids en flums ed auals

La federaziun svizra da pestga pretenda da reducir a curta vista ils pestizids per 50%. A lunga vista duain quests meds schizunt vegnir reducids per 80%, quai pretenda la federaziun.

A sia radunanza da delegads ha il president da la federaziun, il cusseglier dals chantuns Roberto Zanetti, discurì da fatgs che na sajan nagin chapitel glorius. Sco in dals ultims pajais en l'Europa n'haja la Svizra nagin plan d'acziun cunter pestizids.

Quests meds, che surtut l'agricultura svizra dovria, chaschunian als flums ed auals en Svizra in veritabel cocktail da pestizids, uschia Zanetti. E malgrà quai sajan anc adina en vendita 2'000 tonnas da pestizids - tranter quests era il dispitaivel 'Glyphosat'.

RR novitads 15:00

Artitgels legids il pli savens