La politica da clima dal Cussegl federal va en la dretga direcziun dentant betg lunsch avunda. Uschia il facit dal cussegl d'experts che cusseglia il Cussegl federal en dumondas da la politica da clima.
La politica actuala saja memia pauc ambiziusa per cuntanscher la finamira definida da sbassar las emissiuns CO2 fin l'onn 2050 per 80 fin 95%. Dentant sajan las finamiras dal Cussegl federal per sbassar las emissiuns fin l'onn 2030 in emprim pass impurtant, scrivan ils experts.
