Siglir tar il cuntegn
Inhalt

Svizra Memia pauc engaschi cunter la midada dal clima

La Svizra metta a disposiziun memia pauc daners per il cumbat cunter la midada dal clima. Quai renfatscha l’organisaziun d’agid Caritas.

Logo Caritas
Legenda: La Caritas pretenda dapli engaschi cunter la midada dal clima. Keystone

Ils 450 fin 600 milliuns francs ch’il Cussegl federal proponia, na correspundia betg a la responsabladad da la Svizra. Uschia la critica da la Caritas. Tenor l’organisaziun fissi ina milliarda francs commensurà. Plinavant duai quella summa vegnir finanziada supplementarmain. Ella na duai betg engrevgiar il budget per la collavuraziun da svilup.

Midada dal clima tutga pajais dal sid

Tenor la cunvegna da clima a Paris duain ils pajais industrials metter a disposiziun mintg'onn en tut 100 milliardas francs per pajais pli paupers ch'èn pertutgads particularmain dal stgaudament dal clima. Las unfrendas da la midada dal clima sajan cunzunt purs u abitants da slums che pateschian da la sitgira, chalira u er inundaziuns e stemprads.

Plinavant pretenda la Caritas era che la Svizra fetschia dapli en l’agen pajais cunter la midada da clima.

RR novitads 11:00