Siglir tar il cuntegn

Svizra Memia paucs fisioterapeuts

En Svizra vegnan scolads be la mesadad dals fisioterapeuts che vegnissan atgnamain duvrads. Bleras plazzas n’èn sur mais betg occupadas.

Fisioterapia.
Legenda: En Svizra datti memia paucs fisioterapeuts. Keystone

Il mument vegnia scolà mintg'onn tranter 500 e 600 fisioterapeuts. Duvrads vegnissan però tranter 800 e 1'000. Quai conferma l'associaziun dals fisioterapeuts PhysioSwiss envers SRF.

Che la dumonda creschia adina pli fitg haja er da far cun il principi «ambulant avant staziunar» che la politica promovia. Pazients restan uschia main ditg en l'ospital e dovran in bun tractament ordaifer l'ospital.

Dal punct da vista da l'associaziun dovria perquai dapli plazzas da furmaziun. Actualmain dastgan però mo ospitals porscher praticums, ed era quintar giu la lavur dals praticants. PhysioSwiss pretenda ch'era praticas privatas dastgan far quai. Però ni la Confederaziun ni ils chantuns vulan finanziar quests praticums.

RR novitads 09:00