Siglir tar il cuntegn

Header

cuntegn

Memia plauns? Labors sa dostan encunter renfatschas

Ils labors sa dostan cunter las renfatschas ch’i vegnia lavurà memia plaun. Il president da l’associaziun da labors svizra, Willi Conrad, ha refusà la critica d'experts e chantuns.

Dapi l’avrigl hajan ins augmentà massiv las capacitads, ha ditg Conrad en in’intervista cun las gasettas da Tamedia. Per regla communitgeschian ils labors ils resultats anc il medem u il proxim di. Quai na saja dentant betg adina pussibel.

Cun radund 10’000 tests per di hajan ils labors anc capacitads – la capacitad maximala saja tar radund 20’000 per di. Durant l'emprima unda da cas, l'avrigl saja il squitsch stà massiv pli aut ed ins haja cuntanschì il cunfin da las capacitads.

Sch'in test vegnia dà giu direct al labor, giaja il pli svelt. Ma i fetschia senn da sco emprim laschar giuditgar i medi, avant che testar in pazient sin Covid-19. Plinavant lavurian ils labors svizzers in bun tant pli svelt che quels en l'exteriur. En blers labors vegnia lavurà durant 24 uras a di e quai 7 dis ad emna.

Ord l'archiv:

La reportascha da nossa redactura Sabrina Bundi ch'è stada en in labor che fa ils tests d'anticorpuls sin il coronavirus.

audio
Far in test d'anticorpuls dal coronavirus
ord Actualitad dals 01.07.2020.
laschar ir. Durada: 4 minutas 43 Secundas.

RTR novitads 06:00

Artitgels legids il pli savens