Ils parlamentaris elegids da nov en il Cussegl naziunal e dals chantuns èn plitost pronts d'inditgar lur entradas che quels dal parlament «vegl». Da 79 cussegliers novs, han 44 declerà lur entradas envers la plattafurma da transparenza «lobbywach.ch». Quai sajan 55,7%.
La differenza tranter las fracziuns saja dentant frappanta. Dals 23 novs parlamentaris dals Verds, han tuts auter che dus declerà lur entradas, quai correspunda a radund 91%. Sin plazza dus suonda la Partida socialdemocratica cun 54%. Dals verd-liberals e la fracziun da mez, èsi la mesadad che han stgaffì transparenza. Tar la PLD èsi radund 30%.
Sin l'ultima plazza è tenor l'organisaziun la Partida populara svizra. Nagin dals 11 novs parlamentaris han inditgà da tge mandats tar federaziuns, organisaziuns u interpresas che lur entradas vegnan.