Sco ch’il Cussegl federal scriva, correspundia quai a standards internaziunals e fetschia pli segira ed attractiva la plazza da finanzas svizra. Cun dapli transparenza duai la persecuziun penala en cas da lavadaners vegnir pli svelta.
Stgafir dapli transperenza
Il register duai vegnir manà dal Departament federal da giustia e polizia e na duai betg esser public. Interpresas e societads duain annunziar la persuna autorisada en quel register. Las controllas surpiglia il Departament federal da finanzas.
Plinavant duai dar obligaziuns da diligenza per persunas en professiuns giuridicas cun «ristga». Notars u fiduziaras per exempel fissan pertutgadas da quellas reglas. Ellas stuessan da nov pudair identifitgar lur clients, il motiv ed il tip da transacziuns. Plinavant duai era dar mesiras cunter la guntgida da sancziuns.
Il sboz dal Cussegl federal va en consultaziun fin ils 29 da november 2023.