En vista a l'unda da corona actuala dal virus omicron e las restricziuns per l'economia prolunghescha il Cussegl federal danovamain las garanzias da paja en la lavur curta. Per sustegnair las interpresas pertutgadas ha il Cussegl federal decis dad adattar l'ordinaziun da Covid-19 «assicuranza cunter la dischoccupaziun».
Proceder summaric resta e retrair è pussaivel 24 mais
Concret vegn prolungà enfin ils 31 da mars il proceder da rendaquint summaric per la lavur curta. Ultra da quai vegn augmentada la durada da retratga maximala dad indemnisaziuns per la lavur curta sin 24 mais. Quella era limitada enfin ils 28 da favrer e vala ussa enfin la stad. Ultra da quai vegn schlià il temp da carenza e la limitaziun sin quatter periodas per perdita da lavur da passa 85%.
Levgiaments supplementars per firmas cun 2G+
Per interpresas ch'èn suttamessas a la regla da 2G+ valan ulteriurs levgiaments. I dat era indemnisaziuns per lavur curta per persunas che lavuran sin dumonda cun in contract illimità, lavurants cun in contract limità ed emprendists. Questa regla vala retroactiv davent dals 20 da december.
