Siglir tar il cuntegn

Header

tazza da té cun ina pazienta en letg
Legenda: Era sch'il BAG na quinta betg cun in'epidemia da grippa, resta la recumondaziun a gruppas da risico da sa laschar vaccinar era cunter la grippa. Keystone
cuntegn

Mesiras cunter corona Nagina epidemia da grippa l'enviern passà

Il coronavirus ha stgatschà prest cumplettamain la grippa l’enviern passà. La raschun principala vesa l’Uffizi federal da sanadad (BAG) en las mesiras da protecziun che sajan vegnidas instradadas per cumbatter il coronavirus, hai num en in scriver dal BAG. Il sistem d'avertiment haja nudà l'enviern passà mo 41 cas da grippa confirmads dad in labor. L'onn avant (enviern 2019/2020) eran quai cun bunamain 12'000 cas radund 30 gia dapli. Tenor il BAG n'ha la Svizra quatras era betg gì in'epidemia da grippa sco ils onns avant.

Tuttina vaccinar cunter grippa – surtut gruppas da risico

Sche las mesiras sanitarias en connex cun il coronavirus restian sco ussa, quinta il BAG era quest'enviern cun ina stagiun da grippa plitost miaivla. Malgrà quai cusseglian las autoritads a persunas cun in risico da cumplicaziuns ed a lur confamigiars da sa laschar vaccinar cunter la grippa. Problems cun la vaccinaziun paralella cunter il coronavirus na sajan betg da spetgar, scriva il BAG.

audio
Per tadlar curt e cumpact
aus Novitads vom 08.11.2021.
abspielen. Laufzeit 1 minuta 13 Sekunden.

RTR novitads 17:00

Artitgels legids il pli savens

Scrollar a sanestra Scrollar a dretga