Siglir tar il cuntegn

Header

cuntegn

Mesiras cunter coronavirus Medemas reglas per las scolas en l’entira Svizra

Perquai che pliras scolastas e scolasts pudess crudar ora il proxim temp pervia dad omicron duain per las scolas valair las medemas reglas en l’entira Svizra. Tenor Thomas Minder, il president da l’uniun da las manadras e manaders da scola, procurass ina tala mesira per dapli chapientscha tar geniturs e simplifitgass la planisaziun. En il cas extrem stopp'ins puspè far instrucziun sin distanza, uschia Minder en in’ intervista cun il «Tagesanzeiger».

Schliaziun unitara

I dovria ussa ina schliaziun per l’entira Svizra, concret in catalog da mesiras cun differents stgalims d’escalaziun. La Svizra saja dentant anc lunsch davent d'ina tala schliaziun. Mintga chantun haja sias atgnas regals. Ultra da quai a sajan ils chantuns era betg sa cunvegnids in cun l'auter. Sut quai pateschia uss l'acceptanza da las mesiras.

Serrar scolas difficil per geniturs

L’idea da serrar tut las scolas per in tschert temp n'è tenor il pli aut maina-scola betg uschè bun. Quai fiss difficil per ils geniturs, che stuessan lura procurar per surveglianza a chasa e na possian betg ir a lavurar. Ed i saja cler, che la qualitad da l'instrucziun a distanza na possia betg esser la medema sco l'instrucziun a preschientscha. I saja spezial ch'i vegnia actualmain discutà davart serrar generalmain las scolas fertant ch'i dettia anc adina occurrenzas cun fin 10’000 persunas, uschia Minder.

Ord l'archiv

video
Strategia en las scolas: Testar empè da serrar
Or da Telesguard dals 02.02.2021.
laschar ir. Durada: 2 minutas 11 Secundas.

RTR novitads 06:00

Artitgels legids il pli savens

Scrollar a sanestra Scrollar a dretga