Siglir tar il cuntegn

Header

Discurs da cussegliaziun cunter paupradad, ins vesa mo ils mauns da duas persunas.
Legenda: Confederaziun, chantuns e vischnancas lavuran ensemen per cumbatter la paupradad en Svizra. Keystone
cuntegn

Svizra Mesiras cunter la paupradad en Svizra

La Confederaziun vul er en futur cumbatter ensemen cun chantuns e vischnancas la paupradad – dentant cun pli paucs meds che oz. Giuvenils e creschids duain survegnir sustegn sin il martgà da lavur ed er famiglias dischavantagiadas duain survegnir agid.

La Confederaziun vul vinavant cumbatter la povradad en Svizra però cun damain meds che fin qua. Ils proxims 5 onns metta ella a disposiziun 2,5 milliuns francs – quai è be la mesadad dals ultims onns. Uschia aveva il Cussegl federal gia decis l'avrigl.

Sustegn da giuvenils

In dals puncts centrals è il sustegn da giuvenils tar la midada da la scola a l'emprendissadi u sin il martgà da lavur. Sco segunda mesira duessan er creschids che tschertgan ina lavur, survegnir sustegn en furma da scolaziun supplementara. Ultra da quai duain famiglias dischavantagiadas survegnir agid e sco ulteriur punct duessan las cussegliaziuns vegnir optimadas.

La Confederaziun porscha surtut sustegn. Metter enturn las mesiras cunter la paupradad è surtut chaussa da chantuns e vischnancas. Ils daners duain surtut vegnir impundids per la prevenziun. Ina plattafurma naziunala duai furmar la basa per la lavur.

En Svizra valan actualmain 7,5% da la populaziun u 615'000 persunas sco povras. Dad els èn pli che 100'000 uffants.

RR novitads 12:00

Artitgels legids il pli savens

Scrollar a sanestra Scrollar a dretga