Legenda:
La chombra pitschna en chasa federala insista sin mesiras da spargn tar il persunal.
Keystone
cuntegn
Svizra - Mesiras da spargn tar il persunal federal
Il Cussegl federal duai spargnar custs tar il persunal da la Confederaziun. Il Cussegl dals chantuns è s’exprimì da francar questa finamira en la planisaziun da la legislatura. Il Cussegl federal duaja mussar si concretamain co el veglia reducir ils custs da persunal.
Il minister d'economia, Johann Schneider-Ammann, ha argumentà adumbatten, che la chombra pitschna sajettia cunter chastels sballunads.
Cun la planisaziun da la legislatura annunzia il Cussegl federal al parlament, tge ch'el quinta da far e da cuntanscher ils proxims quatter onns. I na sa tractia betg d'ina plattafurma d'elecziun u d'in contract da coaliziun, mabain d'ina basa da discussiun, ha constattà Johann Schneider-Ammann.
