Ospitals e clinicas en Svizra vulan procurar cun mesiras voluntarias che la qualitad dals tractaments constettia. La federaziun professiunala H+ vul rinforzar ed extender instruments existents. Per segirar la qualitad en ospitals na dovria betg novas leschas u structuras, scriva H+.
Tar la confederaziun vegn discutà actualmain, co ins pudess surpigliar ina rolla decisiva per meglierar la qualitad da las prestaziuns medicinalas e la segirtad da pazients. H+ quinta da gia avair ils instruments latiers. La federaziun è tenor atgnas indicaziuns conpurtader da la Segirtad da pazients Svizra e commember da l'uniun naziunala per garantir la qualitad en ospitals e clinicas (ANQ).
