Sche la fatschenta po surmuntar la votaziun finala è malguess. Suenter la PPS vul numnadamain la pli gronda part da la fracziun liberaldemocratica refusar la fatschenta, quai ha ditg la pledadra da la PLD, Daniela Schneeberger.
Dispitaivel èn plirs puncts. L'entschatta da l'emna ha il Cussegl dals chantuns decidì las mesiras pli severas. Il Cussegl naziunal è l'emprim sa dustà cunter la cumulaziun da las mesiras flancantas, è dentant uss er sin il curs da la chombra pitschna. Questa cumulaziun da chastis pudess engrevgiar la relaziun cun l'UE ha avertì il minister d'economia Johann Schneider-Ammann. Tenor el bastian chastis maximals. Gia pli baud ha il parlament decidì d'auzar il chasti da 5'000 fr. sin 30'000 fr.
RR novitads 10:00