Siglir tar il cuntegn
cuntegn

Svizra Mesiras per meglierar plurilinguitad en l’administraziun federala

Per amplifitgar il dumber d’emploiads da lingua franzosa e taliana en l’administraziun federala, duain ils candidats da tut las linguas avair las medemas cundiziuns tar ils discurs d’engaschament.

Ina tabla d'infurmaziun da l'administraziun federala.
Legenda: La plurilinguitad en l’administraziun federala ha anc potenzial da sa meglierar, mussa in studi. Keystone

Quai è ina da las propostas d’in studi che ha analisà la recrutaziun da persunal da la Confederaziun. Fatg il studi han il Center da cumpetenza scientific per la plurilinguitad a Friburg ed il Center per la democrazia ad Aarau.

In’ulteriura proposta dal studi è da formular las cumpetenzas linguisticas pretendidas uschia, ch’ellas èn era realisablas e da prender seriusas. E per garantir l’egualitad da la lingua taliana, stoppian vegnir fatgas cleramain dapli stentas.