Siglir tar il cuntegn
Inhalt

Svizra Mesiras preventivas en vista al dumber d’asilants

La Svizra dumbra dapi il zercladur cuntinuadamain in grond dumber da dumondas d'asil.

Ina chombra preparada per asilants en in’anteriura caserna da pumpiers a Berna.
Legenda: Tant la Confederaziun sco ils chantuns miran da pinar ulteriurs plazs per requirents d’asil. Keystone

Fin ussa han la Confederaziun ed ils chantuns pudì registrar e dar suttetg a tut ils requirents d'asil, quai scriva il Secretariat statal per migraziun. Ils fugitivs ch’arrivan sin la ruta da migraziun en l’ost en l’Europa dal Vest n’hajan betg sco finamira primara da vegnir en Svizra.

Tuttina prendan la Confederaziun ed ils chantuns en vista a la situaziun intscherta en l'Europa mesiras. Quai per pudair garantir avunda plazs per ils requirents, prendì il cas che las dumondas d'asil creschan pli ferm.

RR Novitads 18:00