Unfrendas da mesiras repressivas duain pudair dumandar la Confederaziun per indemnisaziuns, senza ina limita da temp. Il Cussegl federal sustegn l’aboliziun da la limita. Entras questa mesira veglia la regenza mussar, ch’ella prendia serius ils fatgs e renconuschia la malgiustia che las persunas plazzadas han stuì endirar. Plinavant na duain las unfrendas betg avair in squitsch da temp.
Dapi il 2017 han unfrendas da mesiras repressivas pudì dumandar per ina indemnisaziun finanziala. Quella avessan las persunas dentant stuì inoltrar fin il mars 2018. Quest termin duai uss scrudar.
Il Cussegl naziunal e quel dals chantuns ston anc approvar la midada da la lescha. Quai duess dentant be pli esser chaussa formala.
Ord l'archiv:
Las mesiras repressivas duain uss er daventar in tema en scola.
RTR novitads 15:00